فكرة المسابقة فى اختيار اى شئ مفيد يجعلك سعيدا فى عملك فى المختبر كل ماتشوفها او تستخدمها نفسك تستريح وتفرح بوجودها كل المطلوب تاخد له صورة وتكتب تعليق او قصه او جمله ايه سبب اختياره !
الحاجة دى ممكن تكون ايه ؟ (افكار للمشاركة )
- ادوات مختبر بتسعفك فى الطلبات السريعه مثلا جهاز كذا او تجربه كذا جاهزة وسريعه وكل مايطلب لنشاط بتقول حاضرين وبتعجب الجميع .
- اكتشفت طريقه او ادارة او استمارة مفيده فى استخدامها واكتشفت انها مهمه وبتحقق نتائج على فكره ممكن تكون تجربه لها قيمه علمية ونتائج مميزه
- حاجه من اثاث المختبر او الادوات بتريحك وبتساعدك نفسيا على العمل بشكل مناسب او عبور التحديات .
- زميل او موظف كل ما تشوفه تفرح بوجوده لانه بينشر الروح الايجابية او بيساعدك نفسيا او فنيا او اداريا . واحيانا ماليا (:
- اكله او مشروب او متعلقات شخصيه بتساعدك فى الصفاء النفسى والمزاج الرايق
الهدف :
السعى لمشاركة الافكار والادوات التى تساعد على تحسين ادائك بكافة الاشكال فى الجوانب النفسيه و الفنيه و الادارية وتعزز السلوك الايجابى فى العمل من خلال الاستفاده من خبرات الموظفين ونقلها للزملاء الجدد قدر الامكان .
التعليمات :
1- كل موظف يختار صورة واحده فقط للمشاركة والتعليق يكتب على الصوره لو كلمات قليله ولو اكثر يكتب تعليق منفصل .
2- من يرغب فى اخفاء هويته ممكن ان يرسل المشاركة خاص وساقوم بنشره باسم الشهره ( ابو عمر - ام جاسم - الفهد - المها )
3- سيتم اقتصار النشر على الجروب على مشاركات المسابقه فقط فور بداية موعد المشاركات ولحين غلق باب المشاركة .
4- حذف اى مشاركة دون ابداء اسباب مع تطبيق تعليمات الجروب العامه . بدون زعل او قمص ولايوجد استثناء الكل واحد .
5-طلبات اضافة الاعضاء الجدد للجروب بداية العام القادم فقط . خد بالك اللى بره بره واللى جوه جوه يعنى حافظ على عضويتك فى الجروب .
توقيت المسابقة :
بداية المشاركات من يوم الاحد الساعة 12 ظ حتى نهاية عمل يوم الثلاثاء 2 عصرا وما يستجد .
التقييم :
سيكون بناء على اكثر صورة او مشاركة تحصل على اعجاب من الاعضاء ( مجموع التفاعلات )
الجوائز :
شهادة تقدير بأسم المجموعه من الاعضاء للموظف المتميز صاحب الفكرة الافضل او التأثير الاعلى الفائزة معنا
وكمان خدمه المساعده الشخصية والاستشارات خلال العام القادم للمختبرات والسلامة مجانا لو محتاج .
او مايستجد من جوائز
